Pormal nang gipasakahan ug kaso ang tulo ka Australian nga giakusahang mipusil-patay sa biktima didto sa Badung Regency, Bali, Indonesia bag-ohay pa lang ning tuiga.
Matod ni Badung Police Chief Adj. Sr. Comr. Arif Batubara nga ang silot sa mga dinakpan usa ka labing taas nga sanction kanila diin usa ka kamatayon ubos sa balaod sa Indonesia.
Naila ang mga dinakpan nga sila Darcy Francesco Jenson, 27 anyos, Mevlut Coskun, 22 anyos ug Tupou Pasa I Midolmore, 26 anyos ug sila pasakaan ug kaso ubos sa Article 340 sa Criminal Code alang sa premeditated murder ug Article 1 sa 1951 Emergency Law alang sa illegal possession of firearms.
Segun ni Batubara nga nakompleto na sa kapulisan ang imbestigasyon ug gitugyan na ang file sa kaso ngadto sa Badung Prosecutor’s Office. Sa karun ang mga suspek gikustodiya na sa Kerobokan Prison alang sa tukmang disposasyon samtang naghulat sa husay.
Photo courtesy to:Washington times
