Naghangyo si Ralph Oblenda, ang hepe sa Iligan City Traffic Parking and Management Office (ICTPMO), ngadto sa tanang mga drayber o mga motorista nga magpabiling kalmado ug magpakita og respeto sa mga traffic enforcer, ilabi na kung sila maisyuhan og citation ticket tungod sa mga traffic violation.
Matod ni Oblenda, hugot nilang ipatuman ang “maximum tolerance” sa ilang mga traffic enforcers.Gipasabot usab nga ang ICTPMO nagpatuman lang sa mga ordinansa sa siyudad, aron mapadayon ang organisado ug hapsay nga trapiko sa Iligan. Ang ilang katuyuan, dili ang pagdakop, kundili ang disiplina ug kahapsay sa dalan.
