Base sa 24-hour localized weather forecast, si Tropical Storm Ramil nga karon naa sa 315 kilometro Sidlakan sa Juban, Sorsogon, nagdala og panalagsang pagdag-um ug localized thunderstorms sa Davao Region.
Posible ang pagbaha ug pagdahili sa yuta ilabi na kon adunay kusog nga pag-ulan. Ang hangin magagikan sa Habagatan-Kasadpan nga adunay hinay hangtod kasarangan nga huyop, samtang ang dagat hapsay ngadto sa kasarangan ang balod.
Sa Davao City, mokabat ang temperatura gikan 25 hangtod 33 degrees Celsius, uban sa pagsidlak alas 5:28 sa buntag ug pagsalop alas 5:25 sa hapon.
SOURCE: PAG-ASA DAVAO
