Giisip nga dakong dungog alang sa Filipino-American ug Miami Heat Coach Erik Spoelstra, nga mapili isip bag-ong head coach sa NBA Basketball Team.
Pormal nga gikumpirma sa board of director sa USA Basketball ang pagkatudlo ni Spoelstra, isip head coach alang sa 2027 World Cup sa Qatar ug sa 2028 Olympics sa Los Angeles.
Pulihan ni Spoelstra si Steve Kerr, kansang termino natapos human ang USA Basketball Team, nga nakadaog sa ikalima nga sunodsunod nga Olympic gold medals sa 2024 Paris Games.
Sumala pa sa two-time NBA champion ug long-time Heat coach, nga ang mapili isip head coach usa ka tibuok kinabuhi nga dungog. Ang Olympics ipahigayon sa US, nga naghatag kanila og kahigayonan sa pagdepensa sa ilang titulo.
Personal usab nga gipili ni USA Basketball men’s national team managing director Grant Hill si Spoelstra aron mahimong head coach. Si Spoelstra anaa na sa coaching staff ni Kerr sukad sa 2023 World Cup, nga gipahigayon sa Pilipinas ug sa 2024 Olympics. Siya ang ikatulo nga head coach sa USA nga mo-host sa Olympics sa ilang nasud.
Photo courtesy to: AP News
