Nadamyos ang usa ka Rescue Vehicle sa Provincial Disaster Risk Reduction and Management Office (PDRRMO) human kini malambigit sa self accident sa may National Highway Purok 5, Barangay Bagong Oroquieta, Guipos, adlawng miyerkules, October 15, 2025.
Sa inisyal nga imbestigasyon, ang maong Isuzu Travis rescue vehicle nga gimaneho sa usa ka 44 anyos nga lalaki nagbyahe gikan sa syudad sa Pagadian paingon sa lungsod sa San Miguel, Zamboanga del Sur.
Apan gikataho nga nakatagpilaw ang driver samtang naglatas sa lugar hinungdan siya nawad-an ug control ug aksidente nga mibangga sa usa ka nagparking nga Suzuki bongo-type scram nga gipanag-iyahan sa usa ka 43 anyos nga lalaki residente sa Guipos, Zamboanga del Sur.
Ang duha ka mga sakyanan pulos nakaangkon ug damyos nga karon anaa na sa Guipos Municipal Police Station alang sa dokumentasyon ug disposasyon. Swerte lang usab nga wa ray nasamdan o nakabsan sa kinabuhi sa maong hitabo.
Source: PD ZSPPO, PRO 9
