Nagpahimangno ang World Health Organization (WHO) nga kapin 11 milyong ka kinabuhi ang nawala kada tuig tungod sa mga neurological disorder nga walay sakto ug hapsay nga pag-atiman.
Sa pinakabag-ong report sa WHO, gipadayag nga kapin 40% sa populasyon sa kalibutan o 3 bilyon ka tawo ang naapektuhan sa mga kondisyon nga may kalabotan sa utok ug sistema sa nerbiyos.
Lakip sa mga nag-unang hinungdan sa pagkamatay ug disabilidad mao ang stroke, Alzheimer’s disease, epilepsy, ug meningitis.
Gibutyag sa WHO nga grabe ang kakulang sa mga neurologist sa mga nasud nga ubos ang kita, diin adunay 80 ka beses nga mas gamay nga medical specialist kumpara sa mga adunahan nga nasud.
Tungod niini, nanawagan ang WHO og paghiusa nga aksyon aron palig-onon ang brain health ug mapalapad ang akses sa neurological care, ilabi na sa mga kabus nga dapit.
Matod sa WHO, daghan sa mga kondisyon nga may kalabotan sa utok ug nerbiyos ang mapugngan o matambalan kon adunay igo ug tukmang serbisyo medikal, og kini angay hatagan og prayoridad sa sektor sa kahimsog.
Photo Courtesy: Pew Research Center
