Nagpahigayon og earthquake drill ang mga tunghaan sa syudad sa Gensan kagahapong adlawa atol sa pagbalik sa klase aron masiguro ang kaluwasan ug kaandam sa mga estudyante panahon kon adunay linog.
Kini nga kalihokan subay matod pa, sa mando ni SDS Isagani S. Dela Cruz, cESO V, Deped Gensan Division Head. Tumong niini nga aktibidad aron mapraktis sa pagpangandam sa bisan unsang katalagman ang matag estudyante ug kawani sa tulunghaan.
Gipakita sa mga estudyante, magtutudlo, ug uban pang kawani sa eskuylahan ang husto nga pagpatuman sa “Duck, cover, and hold” ug muadto sa luwas nga lugar gawas eskwelahan.
Kini nga inisyatiba usa ka mahinungdanon alang sa matag usa, nga mag-amping pinaagi sa earthquake drill aron sila andam ug alerto kung adunay tinuod nga linog.
Photo courtesy to:DEPED RXII SDO General Santos City
