Nakahatod og 1,036 ka Shelter Repair Kits ug Hygiene Kits ang Office of Civil Defense (OCD) Caraga Region ngadto sa mga naapektuhang lugar sa Agusan del Sur ug Surigao del Sur.
Lakip sa mga nakadawat sa hinabang mao ang mga lungsod sa Rosario, Bunawan, Santa Josefa, ug Veruela sa Agusan del Sur, ug San Agustin ug Cagwait sa Surigao del Sur.
Ang maong distribusyon kabahin sa paningkamot sa OCD Caraga nga matabangan ang mga pamilya nga naapektuhan ang ilang mga puluy-anan atol sa 7.6 magnitude nga linog nga miigo sa Davao Oriental ug nakapatandog usab sa daghang lugar sa rehiyon.
Ang maong kalihokan usa ka simbolo sa panaghiusa ug kadasig, diin gipakita sa OCD Caraga nga bisan pa sa kalisod, ang tabang mosulod ug mahatud gayud sa tukmang oras.
Gibutyag usab sa ahensya nga padayon ang relief ug recovery operations, kauban ang mga lokal nga panggamhanan, aron matabangan ang mga komunidad sa pagtukod pag-usab ug pagpabangon gikan sa epekto sa kalamidad.
Photo courtesy: OCD- CARAGA
