Arestado sa kapulisan ang usa ka pinangita sa balaod atol sa gilusad nga manhunt operation sa may Purok Mabuhay, Barangay Lower Campo Islam, Labangan, Zamboanga del Sur, adlaw’ng Martes, Oktubre 14, 2025.
Ang dinakpan usa ka 33 anyos, lalaki, mag-uuma, nalista isip Most Wanted Person. Siya gidakop pinasikad sa duha ka Warrant of arrest sa kasong Sexual Assault ilawom sa Republic Act 7610 kun Special Protection of Children Against Abuse, Exploitation and Discrimination Act.
Ang warrant of arrest gi-isyu sa Regional Trial Court Branch 22, Pagadian City, pinetsahan kaniadtong Agosto 28, 2025, nga may pyansa nga girekomendar sa korte nga P180,000.
Ang nadakpan nga indibidwal nakakustudiya na karon sa Labangan Municipal Police Station alang sa dokumentasyon ug tukmang disposasyon.
