Gisaulog ang ika-50 ka tuig nga Talaandig Day kagahapong adlawa didto sa Barangay Songco lungsod sa Lantapan. Uban sa tema nga nagpasidungog sa kabilin, musika, ug tradisyon sa katawhang Talaandig isip pagtimaan sa ilang kalig-on ug pagkahiusa sa lumadnong komunidad.
Gipadayag ni Provincial IPMR sa Bukidnon, Atty. Arbie Saway Llesis, sa exclusive nga pakighinabi sa Juander Radyo Malaybalay nga ang selebrasyon nagpakita sa buhi nga kultura ug espiritu sa katawhang Talaandig sa padayong paningkamot pagpreserba ug pagpalambo niiini, ingonman sa pag-angkon sa ilang lugar sa katilingban.
Usa sa mga gipasiugdahan mao ang mensahe alang sa Indigenous Peoples (IP) Month Celebration, diin gipunting ang importansya sa pagpanalipod ug pagpalambo sa lumadnong kultura ug katungod sa mga Talaandig.
Gibida sa kalihokan ang lain-laing cultural presentations, lakip ang tradisyonal nga mga sayaw sa kabatan-onan ug mga katigulangan, mga awit nga lumadnong estilo, ug ang pagbukas sa Talaandig Food Booth nga nagpasigarbo sa pagkaon ug mga produktong hinimo mismo sa komunidad.
Napuno sa kalipay ug garbo, ang selebrasyon nga nagpakita sa pagkahiusa ug kalig-on sa kultura sa katawhang Talaandig nga gitambongan sa mga opisyal gikan sa lokal ug nasyonal nga mga ahensya sama sa LGU lantapan, Philippine Air force, Philippine Army, pito ka tribu ug uban pa.
Photo courtesy to:PeaceBuilders Community,inc.
