Andam na usab si Carlos Yulo nga mosabak sa 53rd Artistic Gymnastics World Championships nga ipahigayon sa Jakarta, Indonesia gikan Oktubre 19 hangtod 25. Ang unang upat ka adlaw ipahinungod sa qualification stagesamtang ang katapusan tulo para sa finals.
Si Yulo, nga nakadaog na og gold sa floor exercise niadtong 2019 ug vault apparatus sa 2021, wala mitambong sa miaging tuig aron makapahulay human sa hagit nga preparasyon para sa Paris Olympics, diin siya nahimong unang Filipino double gold medalist.
Human sa iyang pagbalik sa Asian Championships sa South Korea niadtong Hunyo diin siya nakadaog og gold sa floor exercise, andam na usab siya nga makigbangga sa mga pamilyar nga kontra nga sila Artem Dolgopyat sa Israel ug Fil-British Jake Jarman. Kauban usab niya sa Team Philippines sila Juancho Miguel Besana, John Ivan Cruz, ug Justine Ace de Leon.
Matod ni Yulo, nag-focus siya karon sa all-around events ug buot niyang mapakita nga andam gihapon siya nga makigkompetensya sa pinakamaayong gymnast sa kalibutan. Sa laing bahin, mokompetensya usab sa women’s division sila Aleah Finnegan, Emma Malabuyo, Haylee Garcia, ug Elaiza Andriel Yulo.
SOURCE: THE MANILA TIMES
