Opisyal nga gilusad sa Department of Labor and Employment XII (DOLE XII) pinaagi sa General Santos City Field Office (GSCFO), sa pakigtambayayong sa Department of agriculture XII (DA XII), ug National Food Authority XII (NFA XII) ang “P20 Benteng Bigas Meron Na para sa Minimum Wage Earners” nga programa sa usa ka Canning Corporation.
Mokabat sa 116 ka sako sa P20/kilo nga well-milled local rice ang gi-turn over sa 580 ka trabahante sa Canning Corporation.
Ang matag empleyado nakadawat ug 10 ka kilo nga barato ug dekalidad nga bugas, isip kabahin sa padayong paningkamot sa gobyerno aron masiguro ang pagka access sa pagkaon ug affordability sa mga minimum wage earner.
Ang maong aktibidad gitambongan usab nila ni Chief LEO/OIC-ARD Mary Jane C. Hoksuan ug Senior LEO Engr. Perolen G. Flores, kinsa nipadayag sa ilang suporta sa maong programa.
Photo courtesy to:DOLE 12- General Santos City Field Office
