Naugdaw ang upat ka panimalay sa nahitabong sunog sa Brgy. Sampaguita, Tagana-an, Surigao del Norte, kagahapon diin mokabat sa 525,000.oo pesos ang estimated danyos, Oktubre 14, 2025.
Sa pagkadawat sa report, daling girespondihan sa Tagana-an Fire Station, pinangulohan ni SFO3 Anatalio M. Dagcuta Jr., kauban ang Fire Volunteers ug kasikbit nga Bureau of Fire aron palungon ang nahitabong sunog.
Alas 8:20 sa buntag (0820H) nagsugod ang sunog ug na-deklara nga fire out kini alas 9:45 sa buntag (0945H). Segun ni FO1 MARJUN AVILA, Fire investigator,dali nilang girespondihan ang trahedya samtang ni-alalay usab ang kasikbit nga mga Fire Station nga mitabang sa pagpalong sa sunog.
Hinuon walay kaswalti o nasamdan sa nahitabo. Sa pagkakaron, kasamtangan pa gisuta ang hinungdan sa sunog ug padayon pa nga giimbestigahan.
