Gipahibalo sa lokal nga kagamhanan sa Tago, pinangulohan ni Mayor Jelio Val C. Laurente, ang pagpalugway sa suspensiyon sa tanang klase sa tanang lebel, pampubliko man o pribado, hangtod Martes, Oktubre 14, 2025.
Ang maong desisyon gibase sa koordinasyon tali sa Department of Education (DepEd) – Tago District, Municipal Engineering Office, ug Municipal Disaster Risk Reduction and Management Office (MDRRMO), subay sa rekomendasyon sa Inspection Team.
Gipasabot nga gipalugway ang suspensiyon aron masiguro ang kaluwasan sa mga estudyante ug magtutudlo samtang nagpadayon ang structural inspection ug safety validation sa mga tunghaan human sa bag-ohay lang nga mga linog.
Samtang, magpadayon usab ang trabaho sa mga opisina sa gobyerno ug pribadong establisemento gawas kon adunay laing pahibalo nga ipagula.
Photo courtesy: LGU Tago
