Sikop ang usa ka Eugene Mark Muloc Alagenio, alyas “Mike-Mike” 36 anyos lumulupyo sa Purok 5, Barangay Fatima, lungsod sa Liloy, probinsya sa Zamboanga Del Norte, human kining nakuhaan og illegal nga droga atol sa gipahigayon nga drug buy-bust operation sa nasangpit nga Barangay.
Nakuha gikan sa iyang position ang 50 ka gramong gituohang shabu nga nagkantidad og php 340,000.00 mga drug paraphernalia og ang kwarta nga gigamit isip buy-bust money.
Ang operation gipangunahan kini sa mga personahe sa RDEU9 Team Zamboanga Del Norte, uban sa koordinasyon sa Liloy Municipal Police Station nga miresulta sa pagkasikop sa drug suspect.
Sumala pa sa ahensya ang dinakpan nailang myembro sa “MULOC GROUP,” usa ka criminal organization nga nalambigit matud pa sa Extortion, Gun-for-Hire, Robbery, Kidnapping, og pagpakaylap sa illegal nga droga sa lungsod sa Liloy og sa lungsod sa Salug sa nahisgutang probinsya.
Ang grupo gikaingong kanhi kining gidumala ni Sehar Muloc, Alyas “Red Eye”kinsa kasamtangang nagserbisyo sa San Ramon Prison And Penal Farm, sa Zamboanga City.
Dugang pa ang suspetsado usa ka probationer sa kasong pagsupak sa Republic Act No. 9165 Comprehensive Dangerous Drug Act of 2002 niadtong tuig 2014.
PHOTO Courtesy; Liloy Municipal Police Station-ZNPPO
