Gisaad ni Presidente Ferdinand R. Marcos Jr. nga magpabilin ang gobyerno sa mga komunidad nga naapektuhan sa linog ilabina sa Davao Oriental hangtod makabangon ang tanan.
Gani, dili lang matod pa kini alang sa emergency nga hinabang, apan usa ka long-term nga commitment aron matabangan ang mga bakwit mobalik sa normal nga kinabuhi.
Kahinumdoman nga niadtong Oktubre 10, usa ka 7.4 magnitude nga linog ang miigo sa rehiyon sa davao ug personal nga mibisita si PBBM sa Tarragona, Davao Oriental, dala ang P298 milyon pesos nga pinansyal nga ayuda alang sa lokal nga kagamhanan.
Gimando usab niini sa DHSUD nga hunongon ang paggamit sa mga tolda ug magsugod dayon og pagtukod sa mas lig-on nga modular shelters alang sa mga displaced residents.
Samtang gi-awhag sa Presidente ang mga residenteng naapektuhan nga dili magduha-duha sa pagpangayo og dugang nga suporta ngadto sa mga ahensya sama na lang sa Department of Social Welfare and Development, Department of Health, Department of Public Works and Highways, ug DHSUD.
Photo courtesy to:Pia Davao Region
