Mokabat sa 150 ka mga benepisyaryo ang migradwar sa Pantawid Pamilyang Pilipino Program (4Ps) sa Dinas, Zamboanga del Sur bag-ohay pa lamang.
Pormal nga natapos ilang pagka-benepisyaryo atol sa gipahigayong 4Pista ng Tagumpay nga gipasiugdahan sa Department of Social Welfare and Development (DSWD).
Atol sa kalihukan, mitunol usab si Dinas Municipal Mayor Eleazer Y. Asoy ug mga tig 25 kilos nga bugas alang sa mga benepisyaryo nga migradwar sa programa nga nagsilbing “Pabaon Package”.
Naghatag usab ang Department of Agriculture (DA) ug mga seedlings sa mga utanon aron magamit sa mga benepisyaryo aron sila may mapaninguhaan ug mga income bisan wala na sa programa.
Ang maong mga benepisyaryo nga migradwar nagpasabot nga milambo ilang pamuyo isip Self-Sufficiency level ug ang uban dili na usab kwalipikado gumikan wala nay bata nga nag-edad ug 0-18 years old.
