Nagkinahanglan ang Basilan Electric Cooperative (BASELCO) og P807 milyones alang sa rehabilitasyon sa mga linya sa kuryente sa probinsya sa Basilan.
Gisiguro ni Energy Secretary Sharon Garin sa pakigtagbo uban sa lokal nga mga opisyal nga ang Department of Energy (DOE) motabang sa pagpangita og pondo ug solusyon aron maresolba ang kakulang sa suplay sa kuryente ug mabayran ang utang sa BASELCO.
Gikinahanglan sa BASELCO ang pagtaas sa koleksiyon, pagpakunhod sa system loss, ug pagpatuman sa disconnection sa mga kustomer nga dili mobayad aron makuha pagbalik ang pagsalig sa gobyerno.
Sa plano, P200 milyones ang suportahan sa National Electrification Administration (NEA) samtang tukuron ang 69-kV transmission lines ug substations sa Isabela, Lamitan, ug Maluso sugod sa 2027.
Photo Courtesy to:Basilan EC
