Gipahimangnoan ni United States President Donald Trump ang mga federal workers, nga posibleng dili sila makadawat og sweldo sa mga adlaw nga wala sila nakasulod sa trabaho tungod sa halos usa ka semana nga government shutdown.
Matod ni Trump, nagdepende kini sa kahimtang sa mga federal workers apan iyang gisiguro nga kadaghanan kanila makadawat gihapon og back pay o bayad sa mga adlaw nga wala sila nakatrabaho.
Gipasanginlan usab ni Trump ang mga Demokratang mambabalaod sa ilang pagdumili nga aprobahan ang mga spending bill nga gisugyot sa mga Republikano.
Sumala sa balaod sa nasud, kon adunay na pondo ang gobyerno, bayaran gihapon sa back pay ang mga federal workers nga temporaryong gipapahulay atol sa shutdown.
Photo Courtesy to:Biden White House
