Dakpan ang duha ka High Value Individual atol sa drug buy bust operation sa Surigao PNP, sa Mana Pepang Village, Brgy. Rizal, Surigao City, Octubre 08, 2025.
Bandang alas 11:30 sa buntag gikasa ang buy bust operation sa kapulisan batok sa mga suspek nga naila nga sila Nicko Salino Alatraca alias Nicko, 30 anyos, event decorator ug molupyo sa nasangpit nga dapit ug Nasciso Sanchez Dotillos alias Doni, 40 anyos, taga P-Reyes Street, Brgy. Taft, Surigao City.
Sa impormasyon gipadangat ni PLTCOL ATTY MARIANO LUKBAN, Hepe sa Surigao City Police Station, gilusad ang operasyon sa Drug Enforcement Unit-DEU (leading unit), kauban ang Surigao del Norte Provincial Mobile Force Company-1st SDN PMFC ug Surigao del Norte- Philippine Drug Enforcement Agency kon PDEA RO 13.
Naaktohan nga namaligya sa illegal nga droga ang duha ka suspek ug nakuhaan og (1) plastic sachet nga gituhoang shabu gikan sa poseur buyer, (21) ka plastic sachets nga gituhoang shabu nga motimbang sa 40 grams nga mikantidad og (php 272,000.00) ug php 6,800.00 per gram, (1) ka One Thousand Peso bill marked money; 1 coin purse, 1 electronic nga timbangan; mga drug paraphernalia; (2) assorted smart phone; (1) gray sling bag; ug cash money P200.
Ang mga suspek gikustodiya na sa Surigao City Police Station samtang pasakaan sa kasong paglapas sa Sec 5 and 11 Art. II of R.A. 9165 kon Comprehensive Dangerous Drugs Act of 2002.
Photo Courtesy to:Surigao City Police Station
