Nabati sa daghang fans ang kasubo human makansela ang U.S. tour ni Elias Lintucan o mas nailhan nga Elias J.TV ug sa iyang banda, nga unta ipahigayon sa Hawaii, Los Angeles, San Francisco, Las Vegas, ug Texas gikan Setyembre 19 hangtod 28, 2025.
Apil usab nga naapektuhan ang gikatakdang konsiyerto sa Prosperidad, Agusan del Sur niadtong Oktubre 6, 2025, nga giandam na unta sa lokal nga mga fans.
Matod sa report, wala na-approve ang working visa sa grupo tungod sa mga legal nga isyu nga gisang-at sa ilang kanhi manager nga si Beverly Labadlabad, lakip na ang kaso sa estafa ug breach of contract.
Giingon usab nga dili tinuod nga tungod sa problema sa kahimsog ang kanselasyon, kay giingon ni Elias nga maayo ang ilang panglawas ug andam silang motanghal.
Mapasalamaton gihapon si Elias sa suporta sa iyang mga fans ug mipasabot nga wala sila maghunong sa musika bisan pa sa kontrobersiya.
Samtang, nangayo og pasaylo ang mga organizers sa mga tigpalit sa tiket, nga giingong makadawat og refund human sa maong kanselasyon.
via: Elial J.Tv
