Gidebatehan sa konseho, atol sa regular session ang ginalaraw nga pagputol sa kontrata tali sa lokal nga panggamhanan sa syudad ug sa kompanyang Jomara nga karon kasamtangang nagadumala sa sanitary landfill sa Barangay Pagalungan.
Nagpadayag sa iyahang kadismaya si Konsehal Eric Salcedo, kinsa nangulo sa komitaba sa Environment sa performance sa kompanyang Jomara kung asa alang kaniya, pakyas ang kompanya nga saktong dumalahan ang landfill.
Busa giduso sa konsehal nga i-terminate ang kontrata niini aron nga makapangita og mas epektibong tigdumala sa landfill.
Taliwala sa pag-uyon sa kadaghanan sa mga konsehal ug kadismaya sa performance sa Jomara, ilaha sab gipunting nga dili ingon ana kadali mag-terminate og kontrata ug angayan usa nga tun-an ug tuki-on pag-ayo kung unsa man galing ang nakalatid sa kontrata.
Kini aron masuta kung aduna bay kakulangan ang kompanya nga mahimong sumbanan o bug-at nga rason nga iterminate ang ilahang kontrata.
Apan sa ulahing bahin sa sesyon, nakalusot gihapon sa second and final reading ang resolution nga girekomendang putulon na ang kontrata tali sa Jomara.
Photo for illustration credits to:RAPPLER
