Gihatagan og pagpaklaro ni Person with Disability Affairs Office (PDAO) Head Conchita Areola nga dili tanan nga Persons with Disability (PWD) makita dayon ang ilang kondisyon sa physical nga panagway.
Matud ni Areola, aduna’y mga balatian nga naa sa sulod sa lawas nga maka-qualified gihapon sa usa ka indibidwal nga mahimong PWD, sama sa pagkuha sa ovary , ug uban pang sakit nga makapugong sa adlaw-adlaw nga buluhaton.
Gipasabot ni Areola nga kinahanglan adunay medical certificate o endorsement gikan sa personal nga doktor aron maka-avail sa PWD ID.
Gipaklaro nga ang maong dokumento maoy basihan sa legal nga pagproseso sa maong ID.Giklaro usab ni Areola nga dagko ang mga diskwento nga mapahimuslan sa mga PWD ID holders, apil na ang diskwento sa tambal, serbisyo medikal ug uban pa.
Apan naghatag pahinumdom ang kadumalahan sa PDAO-Iligan nga kinahanglan kining ipa-renew matag duha ka tuig aron magpabiling aktibo ang ID ug ang mga benepisyo nga dala niini.
