Human mapakyas nga makasulod sa main draw sa Wuhan Open sa China, ang atensyon ni Alex Eala masentro na sa Japan Open nga ipahigayon sa Oktubre 13 hangtod 19 sa Osaka, Japan.
Na-knockout si Eala sa sayong bahin sa qualifying round sa Wuhan Open diin nahiagom siya og 4-6, 6-3, 2-6 nga kapildihan sa mga kamot ni Moyuka Uchijima sa Japan sa unang hugna.
Sa wala pa siya moduwa sa Wuhan Open, si Eala nakaangkon og 6-2, 2-6, 6-7 (0) nga desisyon batok ni Viktoria Golubic sa Switzerland sa quarterfinals sa Suzhou Open sa China.
Mao nga tutokan na ni Eala ang Japan Open, usa ka 250-level WTA tournament, diin aduna kini usa ka semana nga pahuway sa dili pa ipadayon ang aksyon sa Japan Open, kinsa iyang makasangka si defending champion Suzan Lamens sa Netherlands.
Mosalmot usab sa torneyo, ang 4th time Grand Slam Champion Naomi Osaka sa host Japan
Nasayrang gawas nilang Osaka ug Lamens, magtigi usab sa torneyo ang Filipino-Canadian nga si Leylah Fernandez ug world No. 9 Elise Mertens sa Belgium.
via: Suzhou Open -Eala
