Tinguha karon sa Davao de Oro nga mapakusgan ang lokal nga turismo pinaagi sa pagpahigayon og “Filipino Brand of Service Excellence” nga inisyatibo sa Department of Tourism XI.
Kalabot sa maong inisyatibo ang pagbansay sa mga frontliner sa tourism sector aron mahatagan og katumanan ang flagship program sa DOT nga mapakusgan ang kalidad sa serbiyong pangturismo pinaagi sa pagpasiugda sa tatak Filipino Services.
Gihatagan sab og bili sa lokal nga pangamhanan ang partisipasyon sa 150 ka indibidwal nga gilangkoban sa SK members, opisyales ug miyembro sa nagkadaiyang student body organizations nga gipahigayon sa Monkayo, Davao de Oro niadtong Octobre 2.
Apil nga gitinguha sa probinsya nga mapalapdan ang gateway development framework sa Maragusan, Compostela, Pantukan ug Monkayo nga gilaumang agianan sa posibleng pagdagsa sa mga turista gikan sa Mati City, Davao Oriental bunga sa pagatukuron niining bag-ong airport ug seaport.
Samtang gidasig ang mga mitambong sa aktibidad nga mamahimong ambassador ug responsableng partners sa pag-preserbar sa kinaiyahan, ingon man responsibleng promotor sa mga lokal nga tourism destinations.
Photo Courtesy to:X
