Magpahigayon ug tulo ka adlaw nga Benchmarking Activity ang Provincial IPMR Office sa Bukidnon kabahin sa IP CODE karong umaabot nga Oktobre 6 hangtod 9, 2025 sa mga probinsya nga na-aprobahan na ang maong ordinansa sama sa Sarangani Province ug uban pang lugar.
Sa eksklusibong pakighinabi sa Juander Radyo Malaybalay ngadto ni Bae Tinangkil Ermenia Saway sa Provincial IPMR Office, iyang gisaysay nga pinaagi sa tanang IPMR (Indigenous Peoples’ Mandatory Representative) sa Bukidnon sa pagpanguna ni Atty. Arbie Saway Llesis, mahimong makahimo og IP CODE ang matag munisipyo aron hatagan og importansya ug proteksyon ang komunidad sa matag lugar.
Usa sa tumong sa pagpatuman sa benchmarking mao ang pagtuon og pag-adapt sa IP CODE dinhi sa Bukidnon, diin gilauman nga matag tribo makadawat ug dugang 3% nga budget alang sa kalambuan og mga programa para sa IP community.
Sumala pa, pagasugdan ang inisyatibo sa Munisipyo sa Lantapan nga maoy unang lugar nga magpatuman unya sa IP CODE kung asa pagalantawon ang resulta niini ug kung unsaon mahimong epektibo usab sa matag munisipyo sa lalawigan.
Kahinumduman nga ang maong sitwasyon nagdala ug kasubo ug kasuko sa daghang IP leaders, human giveto ni Governor Rogelio Roque taliwala nga dugay na kini nilang gipangayo nga proteksyon ug benepisyo
Via: BukSu
