Namatikdan nga adunay pagsaka sa ihap sa mortality kon gakamatay tungod sa Breast Cancer dinhi sa dakbayan sa Cagayan de Oro sa nilabay nga mga katuigan.
Atol sa programang Department in Focus, sa City Information Office, gihisgutan ni Dr Fahad Macadato, Non-Communicable Diseases Coordinator sa City Health Office nga sa tuig 2023 adunay natalang 128 ka mortality tungod sa breast cancer nga ning saka sa tuig 2024 nga anaa sa 138 cases.
Sumala pa ni Dr Macadato alarming kini nga mga datus busa nagahimo sila og lakang aron nga makunhuran kini nga ihap. Gawas sa pagpataas sa awareness sa katawhan, labi na mga kababaenhan, aduna sab silay ginahimo nga screening test tungod na sab dakong tabang kung sayo mahibal-on o adunay early detection sa susamang sakit.
Daghang sab hinungdan o risk factor nga makakuha sa sakit nga breast cancer sama na lamang sa gender o mas taas ang risgo sa kababaenhan; edad-sagad matapnan sa sakit nag-edad sa 40-50 anyos; genetics; exposure sa radiation; weight-kon obesity; ug alcohol o uban pang bisyo.
Samtang giusa-usa sab ni Dr. Macadato ang posibleng buhaton aron nga malikayan kini nga balatian sama nalang sa ehersisyo, healthy diet, saktong pagtulog, paglikay sa mga bisyo ug self-breast examination. Giawhag sab niya ang tanan nga hatagan og pagtagad panglawas.
Photo courtesy: City Information Office
