Gipagula sa Philippine Basketball Association (PBA) ang siyam ka kausaban sa ilang mga lagda isip pagpangandam sa ika-50 nga season.
Lakip niini ang pagdili sa video reviews sa goaltending kon wala kini matawag sa referee sa aktwal nga dula. Nahimong inspirasyon sa reporma ang kontrobersyal nga Game 1 sa Finals tali sa San Miguel ug TNT, diin gibawi ang usa ka dunk ni Mo Tautuaa human sa review.
Gawas pa niini, gipatuman usab nga ang duha ka fouls sa katapusang duha ka minuto awtomatikong maghatod og penalty (silot), ug karon gamiton na usab kini gikan unang quarter hangtod sa ikatulo.
Hatagan usab og pagtugot ang mga team nga mag-huddle (magtapok) samtang gihimo ang video challenge. Dugang pa niini, gitugutan na ang usa ka magdudula nga makuha ang iyang kaugalingong airball isip usa ka live ball.
Ang usa pa ka kausaban nga gipatuman ang pag-isip sa excessive elbow swinging isip usa ka technical foul imbes nga offensive foul.
Photo courtesy: PBA
