Gidugangan pa sa Gilas Pilipinas ang ilang roster, alang sa 2027 FIBA World Cup Asian Qualifiers. Matod ni Gilas Pilipinas coach Tim Cone, nga ilang gidugang sa roster si Quentin Millora-Brown, kinsa gitudlo nga local player sa FIBA.
Ang 6-foot-10 player iapil sa ilang dula sa Nobyembre batok sa Guam. Nadugang sa roster sila si RJ Abarrientos, Kai Sotto ug Ange Kouame.
Dugang pa ni Cone, nga wala niya usba ang line up nga naglakip nila ni Japeth Aguilar, Justin Brownlee, AJ Edu, June Mar Fajardo, Jamie Malonzo, Chris Newsome, Calvin Oftana, CJ Perez, Kevin Quiambao, Dwight Ramos, Carl Tamayo ug Scottie Thompson.
Ang Gilas Pilipinas makigsangka sa Australia, New Zealand ug Guam sa Group A alang sa World Cup Qualifiers.
Photo Courtesy to: One sports
