Nagpaabot sa dakong pasalamat ang kadumalahan sa Civil Security Unit (CSU) sa City Mayor’s Office–Iligan ngadto sa tanang Iliganon tungod sa ilang kooperasyon ug kusganong pagsuporta sa bag-ohay lang natapos nga Diyandi Festival 2025.
Sumala ni Marlon A. Clapano, Security Officer IV – Head sa Security and Management Division sa CSU-Iligan, nga hapsay nga napahigayon ang mga aktibidad sa syudad sa bag-ohay lang natapos nga kasaulogan Diyandi Festival , nga walay nga panghitabo nga nakahatag ug sagabal sa mga kalihokan.
Gidugang pa ni Clapano nga padayon usab ang ilang paghatag ug seguridad sa mga establisyemento nga gipanag-iyahan sa gobyerno nga maoy nag-una nilang mandato.
Nanawagan usab siya sa iyang mga kaubang personahe sa LGU Iligan nga ipadayon ang integridad ug kalig-on sa serbisyo publiko pinaagi sa maayong pag-perform sa tagsa-tagsa ka mga duties and responsibilities.
