Aktibong miapil ang Juander Radyo Tandag news team sa gihimong Stakeholderβs Forum on Disaster Risk Reduction and Management nga nagpunting sa pagtinabangay aron masiguro ang episyente nga paghatod og serbisyo publiko labi na kon adunay kalamidad.
Lakip sa mga mitambong sa maong kalihokan mao ang nagkadaiyang private establishments ug organizations, uban pa nga sektor nga adunay dakong papel sa pagpangandam ug pagtubag sa mga emerhensiya.
Sa forum, gihisgutan ang mga pamaagi sa mas lig-on nga koordinasyon tali sa lokal nga pangagamhanan, pribadong sektor, ug media aron mapalig-on ang kaandam sa katawhan ug malikayan ang grabeng kadaot nga dala sa mga natural nga katalagman.
Ang pag-apil sa Juander Radyo Tandag nagpakita sa ilang padayong komitment sa pagserbisyo publiko pinaagi sa pagpaabot sa tukma ug paspas nga impormasyon sa mga Tandagnon ug sa tibuok probinsya ilabi na sa panahon sa emerhensiya.
