Usa ka dakong duel ang giandam tali sa magkaatbang nga Barangay Ginebra ug Magnolia sa talagsaong duwa sa Manila Clasico sa PBA alang sa makasaysayanong pagsaulog niini sa ika-50 nga Season karong Domingo sa Smart-Araneta Coliseum.
Usa ra ka duwa ang PBA sa alas 7:30 sa gabii. tungod sa grand opening ceremony ug Leo Awards, pero mapuno kini sa mga istorya, ilabi na ang coaching debut ni LA Tenorio para sa Hotshots.
Ug sa tanang teams, mabunyagan si Tenorio batok sa iyang kanhi team nga Barangay Ginebra ug long-time mentor nga si Tim Cone.
Human ma-draft sa San Miguel niadtong 2006 ug migahin usab og panahon sa Alaska, ang 41-anyos nga si Tenorio ang labing dugay nga nakaduwa sa Gin Kings, sugod niadtong 2012 sa wala pa matudlo isip head coach sa Hotshots niadtong Hulyo.
Si Tenorio nakadaog og 8 ka kampiyonato, 4 ka Finals MVP ug 1 ka BPC, dugang 4 ka Mythical Teams ug 10 ka All-Star Selections sa iyang playing career, tanan uban ni Cone isip iyang head coach gikan sa Alaska hangtod sa Ginebra
Sa unang higayon sa iyang karera, apil na sa Gilas Pilipinas, magkaribal sila ni Cone, nga gipaabot nga talagsaon nga istorya tali sa magtutudlo ug sa iyang estudyante.
via: Ginebra Infinity
