Gikatakdang paulion sa ilang nasud ang kapin 400 ka Iranian citizens kinsa nadakpan nga walay tukmang mga dokumento.
Sumala ni Hossein Noushabadi, Director General for Parliamentary and Consular Affairs sa Iran’s Ministry of Foreign Affairs, ang unang batch nga gilangkuban og 120 ka deportees gilauman nga makaabot sa Iran sa mosunod nga mga adlaw.
Klaro nga daghan sa mga gi-deport nga Iranian nakasulod sa US pinaagi sa pag-agi sa border sa Mexico, bisan pa nga walay kompletong papeles ug legal nga dokumento.
Gipasabot sa Iran nga ilang andamon ang pagdawat sa mga deportees ug asikasohon ang ilang pagbalik sa nasud aron masiguro nga makasugod sila pag-usab sa ilang kinabuhi.
Ang US, sa laing bahin, nagpasiugda nga padayon nilang hugtan ang implementasyon sa immigration law aron malikayan ang mosulod nga walay klarong papeles o legal nga basihan.
Kini nga kalihukan nagpadayag sa padayon nga tensyon ug hugot nga pagpatuman sa balaod sa Immigration tali sa Estados Unidos ug sa mga langyaw nga naningkamot pagsulod sa teritoryo.
Photo Courtesy to:AOL
