Mokabat sa katorse ka mga kanhi rebelde, nailhan usab nga Friends Rescued (FRs), nakadawat ug livelihood starter kits nga nagkantidad ug Php 24,000.00 ngadto sa 29,000.00 matag usa atol sa South Cotabato FR ug Former Violent Extremists (FVE) Summit nga gipahigayon niadtong nakalabayng adlaw sa Barangay Upper Sepaka, Surallah, South Cotabato.
Ang suporta, nga gihatag sa Department of Labor and Employment (DOLE) Region 12 sa uban pakigtambayayong sa 38th Infantry Brigade, Charlie Company of the Philippine Army, ug ang accredited nga co-partner niini nga Lake Sebu National High School Multipurpose Cooperative, nagtumong sa pagtabang sa mga kanhi rebelde sa pagtukod pag-usab sa ilang kinabuhi pinaagi sa malungtarong panginabuhian.
Nipadayag usab ug pasalamat si 2LT Jusobem Agucay, Company Executive Officer sa 38th Infantry Brigade, ngadto sa DOLE sa padayon nga pagsuporta niini.
Photo Courtesy to:DOLE Soccskargen
