Patay nang nahidangat sa syudad sa Pagadian ang usa ka American Citizen, human gituohang na Cardiac Arrest, samtang sakay sa Cebu Pacific Airplane gikan sa Metro Manila, pasado 4:55 PM, kagahapong adlawa Octobre 1,2025.
Naila ang biktima nga si “Kieth” 69 anyos minyo ug residente didto sa New Mexico USA, ug naminyo sa usa ka Pinay nga taga lungsod sa Bayog Zamboanga del Sur.
Matod pa sa iyang asawa ang iyang bana nga usa ka American Citizen gikan kini didto sa Manila samtang sakay sa Eroplano, apan sa wala pa katugpa ang iyang gisakyang airplane giatake na kini sa maong sakit.
Sa pag abot sa syudad dali kining gi rescue sa taga Bureau of Fire Protection kun (BFP) aron dad-on kini sa balay tambanan, apan pag-abot sa hospital gideklara na kining Dead on Arrival sa attending physician.
Sa karon ang patay’ng lawas sa usa ka American Citizen gipailawom na sa post-mortem examination sa Pagadian City Health Office ayha pa dad-on ngadto sa ilang kabanay.
Photo for illustration credit to:Business Insider
