Andam na ang Alas Pilipinas women’s team nga mosalang sa prestihiyosong FIVB Volleyball Women’s World Championship nga ipahigayon sa Pilipinas sa 2029.
Gipadayag sa FIVB, ang ilang assignment sa Pilipinas isip host sa women’s world meet diin gipahibalo pa ni Brazilian volleyball legend Leila Barros ang maayong balita.
Tungod niini, wala matago sa mga Alas women ang ilang kalipay, apil na ang national mainstay nga si Bella Belen. Gipasabot ni Belen ang iyang tinguha nga makigtigi sa FIVB Worlds.
Sumala pa ni Belen, nga gusto niya makig-kompetensya kontra sa Brazil. Ang kapitan sa team ug ang beteranong playmaker nga si Jia Morado mibati sa samang paagi.
Nanghinaot si Morado, nga ang maong programa mopadayon sa pagpahait sa women’s team labi na sa men’s team nga nipakita sa ilang abilidad sa bag-o lang nahuman nga FIVB Men’s Volleyball World Championship.
Aduna pay upat ka tuig ang mga Pinay spikers sa pagpangandam sa torneyo. Naghinam-hinam usab si Alas libero Dawn Macandili-Catindig ilabi na nga makaatbang siya og mga world-class nga mga magdudula.
Photo Courtesy to:One Sports
