Ilusad sa Department of Health (DOH) pinaagi sa mga nagkadaiyang mga Rural Health Unit ang School Based Immunization “Bakuna Eskwela” sa nagkadaiyang pampublikong tulunghaan sa Zamboanga del Sur sugod karong adlawa Octubre 1 hangtud sa pagtapos sa bulan.
Matud ni Nurse 1 Jason Ryan Nahial, NIP Coordinator sa Integrated Provincial Health Office (IPHO) Zamboanga del Sur, katambayayong sa DOH sa pagpahigayon sa School Based Immunization matag tuig ang Department of Education (DEPED) aron maprotektahan ang mga kabataan sa mga Vaccine Preventable Diseases.
Malaumon si Nahial nga mahuman na ang roll-out sa Bakuna Eskwela sa bulan sa Octubre sa tibuok lalawigan sa Zamboanga del Sur gani sa tuig 2023 gamay lang ang mi-join sa School Based Immunization diin sa karon tibuok nasud na ang mikooperar.
Sa tuig 2025, target nga bakunahan sa DOH ang 95 porsyento sa mga kabataan nga Grade 1 ug Grade 7 sa Measles Rubella ug Tetanus Dipterya (MR-TD) ug 90 porsyento usab alang sa Grade 4 nga mga babayeng magtutungha nga bakunahan sa Human Papillomavirus (HPV).
