Nagpabilin gihapon ang charisma sa Brazilian volleyball star nga si Leila Barros sa mga Filipino fans. Kapin sa 20 ka tuig na sukad katapusang nakadula para sa Pilipinas sa FIVB Women’s World Grand Prix si Leila nga gipahigayon sa Philsports Arena sa Pasig City.
Sa iyang pagbalik, nagpabilin ang ‘Leila mania’ human sa mainitong pag-abiabi sa mga Pinoy fans. Si Leila anaa sa nasod isip guest of honor sa FIVB Men’s Volleyball World Championship. Sa iyang pagsulod sa arena, nagdahunog ang hugyaw sa Brazilian star nga senador na karon sa iyang nasod.
Dili matago ni Leila ang iyang kalipay nga nakig-uban og balik sa iyang mga fans, ilabi na niadtong nakadula niya atol sa FIVB Grand Prix. Sumala pa ni Leila, nga pinakatalagsaon ang natural nga empatiya nga iyang gibati sa dihang nisulod siya sa estadyum uban sa mga Pilipino.
Naglakip kini sa mga plakard nga iyang nakita sa stand, sama sa Leila Marry Me ug Leila sa pagka Presidente. Gikalipay usab niini, nga mas nikusog ang dula nga volleyball sa Pilipinas.
Photo Courtesy to:Tempo
