Desidido si President Donald Trump nga magpadala og pwersa sa militar ngadto sa Portland aron protektahan ang mga pasilidad sa Immigration and Customs Enforcement (ICE) nga giingong gisulong sa mga teroristang Antifa, sumala sa presidente.
Matod ni Trump, iyang gitugotan nga gamiton ang Full Force sa militar kung gikinahanglan batok sa Antifa ug uban pa nga mga terorista nga misulong sa ICE.
Ang maong anunsyo ni Trump misunod human sa hitabo nga pagpamusil sa usa ka ICE facility sa Dallas, diin usa ang namatay ug duha ang grabeng nasamdan.
Sa laing bahin, misupak si U.S. Senator Jeff Merkley ug uban pang mga lokal nga opisyal sa Portland sa maong pamahayag sa presidente.
Matod ni Merkley, si Trump mismo ang hinungdan sa kagubot nga nahitabo sa lungsod, ug tuyo lang ni Trump nga ipakita nga gubot ang Portland.
Gisuportahan kini sa kampo ni Oregon Governor Tina Kotek, diin sa usa ka social media post misulti sila nga malinawon ug limpyo ang ilang komunidad ug walay hulga sa nasudnong seguridad.
Photo courtesy of history.com
