Gipahigayon sa Philippine Statistics Authority (PSA) – Zamboanga Sibugay ang 2024 Community-Based Monitoring System (CBMS) Data Turnover Ceremony kaniadtong nakalabayng adlaw sa Roderic’s Resort, Taway, Ipil.
Gitambongan sa mga local chief executives, representante sa nagkadaiyang LGU, provincial line agencies, media partners, ug mga empleyado sa PSA ang maong kalihukan.
Gipasidunggan ni OIC–CRASD Chief George B. Serilla ang tanang LGU sa probinsya tungod sa ilang kusganong suporta ug kooperasyon sa pagpatuman sa 2024 CBMS rollout. Gisundan kini sa presentasyon ni Chief Statistical Specialist, Atty. Richard D. Tabigne, nga mipakita sa nag-unang resulta sa CBMS.
Usa sa highlight sa kalihukan mao ang pagpirma sa Data Turnover Agreement ug ang seremonyal nga turnover sa simbolo sa datus teal-colored USB flash drive nga nagrepresentar sa CBMS isip ikon sa kasaligan ug hapsay nga data transport.
Gipakita usab ang audio-visual presentation (AVP) nga nagpasundayag sa paningkamot ug dedikasyon sa mga field enumerators ug data processors nga naggarantiya sa kasaligan ug kalidad sa resulta sa CBMS 2024.
Photo courtesy to:PSAZAMBOANGASIBUGAY
