Gi-report sa Ukraine nga giatake sa Russia ang lainlaing mga lugar sa nasud gamit ang gatusan nga mga drone ug missile, nga nakaangol sa labing menos 10 ka mga tawo, lakip ang unom sa Kyiv ug upat sa rehiyon sa Zaporizhzhia. Ang pagpamomba gikataho nga gipuntirya ang mga residential area ug uban pang importanteng pasilidad sa Ukraine.
Sa samang higayon, ang Poland nagpakatap ug mga f ighter jets ug gibutang ang mga defense system sa kahanginan niini sa taas ug nagpabiling alerto aron mapanalipdan ang kahanginan niini, labi na sa mga lugar nga duol sa utlanan sa Ukraine.
Ang pag-atake gikataho nga human sa balita nga ang Ukraine nakadawat sa US-made Patriot air defense systems gikan sa Israel, nga gamiton sa pagsumpo sa mga pag-atake gikan sa Russia.
Gipasidan-an sa Russia ug NATO ang pagtaas sa tensyon, samtang nagpadayon ang mga hulga sa seguridad sa rehiyon.
Nakahatag usab og kabalaka ang pagkawala sa kuryente sa Zaporizhzhia nuclear power plant, nga giisip nga pinakadako sa Europe, nga nagpabilin nga walay kuryente sulod sa upat ka adlaw.
Photo courtesy to:Al jazeera
