Pito ka pamilya ug tulo ka indibidwal nga na-rescue sa dalan sa Digos City ang kasamtangang giatiman sa Department of Social Welfare and Development (DSWD) Field Office XI uban sa koordinasyon sa City Social Welfare and Development Office (CSWDO) pinaagi sa Pag-abot Program ug SAGIP Program.
Gidala sila sa Igpit Isolation Facility diin gihatagan og tagsa-tagsa ka kwarto nga adunay kaugalingong kasilyas. Ang pasilidad gitutukan usab sa regular nga limpyo ug maintenance ubos sa City Greening Program.
Samtang nagpabilin didto, gihatagan og tanang batakang panginahanglanon ang mga pamilya ug indibidwal, lakip na ang pagkaon ug kahimtang nga luwas. Nagproseso na ang DSWD sa mga dokumento aron mapangandaman ang ilang pagpauli.
Lakip sa mga mibisita sa pasilidad mao ang mga opisyales sa lokal nga panggamhanan aron personal nga susihon ang kahimtang sa mga benepisyaryo ug mapakita ang ilang suporta.
SOURCE: RONDAKBAYAN
