Gibaha niadtong Sabado sa buntag ang pipila ka parte sa Arizona diin dili moubos sa upat ka tawo ang namatay ug duha ang wala pa makita. Pareho nga nakaplagan ang mga biktima sa ilang mga sakyanan nga wala nay kinabuhi, ug gi-identify pa sa mga otoridad ang ilang pagkatawo.
Padayon ang search and rescue operation para sa duha pa ka nawala ug sa posibleng uban pang biktima sa baha.
Samtang, nagkatag ang 1,000 ka propane tank sa lugar nga gianod sa baha, hinungdan nga dako ang kabalaka sa kapulisan tungod sa posibleng kemikal nga peligro nga dala niini. Dali nga gideklara ni Arizona Governor Katie Hobbs ang state of emergency aron mapadali ang pag-abot sa tabang sa lugar, ilabi na sa Gila County nga grabe ang naapektuhan sa baha.
Gipasidaan sa panggamhanan sa Gila County ang mga residente nga mag-amping ug likayan ang pagsulod sa baha aron malikayan ang peligro. Gipahimangnoan usab ang mga residente nga molayo sa lugar kon mahimo alang sa ilang kaluwasan.
Photo Courtesy: ABC 15 Arizona
