Patay ang usa ka 35 anyos nga lalaki human malambigit sa aksidente ang motorsiklo nga gimaneho niini sa may Purok 1, Barangay Tubod, Lakewood, dominggo sa hapon, Septyembre 28, 2025. Giila ang biktima sa pangalang “Robert” residente sa Barangay Sanito, Ipil, Zamboanga Sibugay.
Sa report sa kapulisan, susama nga paingon sa syudad sa Pagadian ang motoristang biktima ug ang usa ka FUSO aluminum van nga gimaneho sa usa ka nagngalang Jerson, 41 anyos, apan sa kalit lang sila nagkabangga sa kurbadahong bahin sa lugar.
Sa CCTV footage, ang duha ka sakyanan susama nga misulay ug agi sa pinakatunga nga dalan hinungdan nawad-an ug control ang driver ug na side-swipt ang motorsiklo nga iyang gimaneho ngadto sa van.
Gisulayan pa ug dala ang biktima sa pinakaduol nga tambalanan apan nakabsan ra gihapon kini sa iyang hinulamang kinabuhi.
Sa karon ang patay’ng lawas sa biktima gidala na sa local funeral home samtang ang truck driver lakip na ang mga sakyanan nga nalambigit sa panagbangga nakakustudiya na sa buhatan sa kapulisan.
