Gipahibalo sa PAGASA nga ang sentro sa Bagyong Opong {Bualoi} naa karon sa 470 kilometro kasadpan sa Ambulong, Tanauan City, Batangas nga adunay kusog nga hangin nga misangpot sa 120 kilometro matag oras ug pag-uyog nga kutob sa 150 kilometro matag oras. Nagalihok kini padulong sa kasadpan-habagatang kasadpan sa tulin nga 30 kilometro matag oras.
Tungod niini, makasinati ang Davao Region ug panalagsang pagdag-um sa kalangitan uban ang mga patak-patak nga pag-uwan, kilat ug pagpanalugdug tungod sa localized thunderstorms. Posible usab ang pagbaha ug pagdahili sa yuta kung adunay kusog nga thunderstorm.
Hinay ngadto sa kasarangan nga hangin gikan sa amihanang sidlakan paingon sa habagatan-sidlakan ang mamahimong mosulabi, samtang hapsay ngadto sa kasarangan ang dagat nga adunay balod nga mokabat sa 0.6 hangtod 1.5 metros.
Sa Davao City, lauman ang temperatura nga 25 hangtod 32 degrees Celsius, samtang mosidlak ang adlaw alas 5:30 sa buntag ug mosalop alas 5:35 sa hapon.
SOURCE: PAG-ASA DAVAO
