Mipabuto og warning shots ang militar sa South Korea niadtong Biyernes human mosulod ang usa ka barko komersyal sa North Korea sa utlanan sa dagat sa kasadpang baybayon sa peninsula. Human sa pasidaan, misibog dayon ang barko.
Gipasabot sa South’s Joint Chiefs of Staff nga nagpadala usab sila og verbal warnings ug ang ilang aksyon gisunod subay sa standard protocol sa militar.
Ang insidente nahitabo duol sa Northern Limit Line (NLL), usa ka utlanan sa dagat nga gitakda human sa Korean War niadtong 1950-53. Kini nga lugar nailhan nga hotspot sa panagbangi sa dagat.
Ang North Korea hangtod karon wala gyud moila sa NLL nga opisyal nga utlanan, hinungdan nga nagpadayon ang tensyon tali sa duha ka Korea.
SOURCE: GMA NETWORK
