Gidala sa Department of Justice si former Department of Public Works and Highways Undersecretary Roberto Bernardo human sa iyang pag-abot kauban si Justice Secretary Jesus Crispin “Boying” Remulla.
Gilauman nga susihon sa kagamhanan ang ‘affidavit’ sa kanhi opisyal kalabot sa iyang mga nahibal-an mahitungod sa maanomalyang flood control projects.
Pasado alas-diyes sa buntag miabot si former Undersecretary Bernardo kauban si Justice Secretary Remulla sa managlahing sakyanan gikan Senado. Sa mubo nga pakighinabi sa kalihim, gikompirma niini nga gituohan na nga usa ka ‘protected witness’ si Bernardo.
Apan gipaklaro nga kinahanglan pa moagi sa ebalwasyon sa Department of Justice ang kanhi opisyal sa wala pa kini opisyal nga mapasakop sa ‘witness protection program’.
Bisan pa nini, gisiguro ni Justice Secretary Jesus Crispin “Boying” Remulla nga ilang panalipdan ug pahugtan ang seguridad alang sa kaluwasan ni former Department of Public Works and Highways Undersecretary Roberto Bernardo.
Photo courtesy to:Politiko
