Padayon ang gikasang hot pursuit operation sa kapulisan batok sa suspetsado nga mipusil – patay sa duha ka individual didto sa Sayre Highway purok -2 Lumbo dakbayan sa Valencia nakalabayng gabii.
Sumala pa ni Bukidnon Provincial Police Office Spokesperson Major Jayvee Babaan sa pakighinabe sa Juander Radyo Malaybalay gibutyag sa biktima nga si Mary Grace Cimafranca nga ang suspetsado sa krimen mao iyang karelasyon nga si Mark Anthony Nicor, hingkod ang edad ug lomolopyo gihapon sa dakbayan.
Matud pa adunay history sa selos ang suspetsado ug ang babayeng biktima hinungdan sa ilang panagbulag apan wala damha nga mosangpot sa maong pagpamusil.
Base sa imbestigasyon nasayran nga ang mga biktima nagbiyahe sa may Sayre Highway sakay sa itom nga Honda XRM nga motorsiklo nga dunay plate number K6472H dihang gipusil sa suspetsado.
Nakaangkon og nag-inusarang samad pinusilan sa tuong dughan ang biktimang lalaki nga si Rachel “Totskie” Jomoc nga miresulta sa iyang hinanaling kamatayon, samtang ang babayeng biktima si Mary Grace nakaangkon og samad pinusilan sa iyang tiyan ug kinatawo nga karon pabilin nagpaalim sa balay -tambalanan.
Nakuha sa crime scene ang bala ug basiyo gikan sa kalibre .45 nga armas. Gitakdang mag-atubang sa kasong Murder ug Frustrated Murder ang mong suspetsado.
Photo for illustration credits to:olanka
