Nadakpan sa mga sakop sa Tagum City Police Station kauban ang 2nd DNPMFC, Davao Norte Provincial Intelligence Unit (DNPIU), ug PDEA Davao del Norte. Ang usa ka lalaki nga nailhan sa alyas “Dodong”, 35 anyos, ulitawo, ug usa ka helper, atol sa buy-bust operation sa Purok Galingan, Barangay Mankilam, Tagum City alas 2:44 sa kadlawon, kaniadtong nakalabay nga adlaw.
Base sa report, nakumpiska gikan sa suspek ang usa ka medium heat-sealed sachet nga adunay puti nga kristal nga gituohang shabu, usa ka genuine ₱500 bill nga gigamit isip marked money, upat ka piraso nga peke nga ₱1,000 bill nga gihimong boodle money, ug usa ka unit nga black Rusi motorcycle nga adunay plaka.
Ang nakumpiskang iligal nga droga adunay gibug-aton nga 1.1 gramo nga gibanabanang nagkantidad sa standard drug price nga ₱7,480. Gitakda nga pasakaan og kaso ang suspek sa paglapas sa Republic Act 9165 o Comprehensive Dangerous Drugs Act of 2002.
Photo courtesy to: Tagum PNP
