Atol sa gipahigayon nga Peoples Day sa Brgy Lapasan ning Dakbayan sa Cagayan de Oro, personal na nga nihangyo si Mayor Rolando “Klarex” Uy sa katawhan nga mamahimong responsable sa paglabay sa basura taliwala sa nagtunhay pa nga problema sa basura.
Matud pa sa amahan sa Cagayan de Oro nga ang tukma nga paglabay sa basura, pagpakita og pag pangga sa pamilya, rason nga angay kining sugdan sa kaugalingong panimalay.
Dugang sa Mayor nga dili mag malampuson ang paningkamot sa Lokal nga Panggamhanan kung dili mu kooperar ang katawhan.
Gipunto usab ni Mayor Klarex nga dapat una ang Barangay nga magpakabana sa pagkolekta sa basura.
